भारताची सर्वात जास्त कार उत्पादक कंपनी मारुती सुझुकीने मोठा निर्णय घेतला असून येत्या दिवसात स्विफ्ट, स्विफ्ट डिझायर, सियाज या गाड्या CNGमध्ये रुपांतरीत करण्याची योजना आखत आहे.
मारुती सुझुकी इंडिया लिमिटेडचे कार्यकारी संचालक विक्री व विपणन शशांक श्रीवास्तव यांनी ही बाब उघड केली की, कंपनी आगामी काळात बीएसव्हीआय सीएनजीचा पोर्टफोलिओ सुधारण्याचा विचार करीत आहे. स्विफ्ट, डिजायर, सियाझ आणि इग्निस सारख्या मारुती सुझुकी इंडिया लिमिटेडच्या लोकप्रिय मोटारी सीएनजी इंजिनसह बाजारात येणार आहेत.
BS-6 च्या नवीन मानकांनुसार मारुती सुझुकीचे जुने 1.3-लीटर डीडीआयएस फिएट-सॉसर्ड डिझेल इंजिन हे कालबाह्य ठरले आहे. कंपनी नवीन पेट्रोल इंजिन सादर करण्याचे मार्ग शोधण्याचा प्रयत्न करीत आहे जे नियमित 1.2-लिटर के-ची पूरक असेल. तसेच सिरीज व्हीव्हीटी इंजिन हे इंधनाच्या बाबतीत वापरकर्त्यास परवडणारे देखील असेल.
बीएस-VI च्या नियमांनुसार मारुती सुझुकी इंडिया लिमिटेड सीएनजी लाइनअप कंपन्यांना एकत्रित करण्याच्या योजनेवर चर्चा करीत आहे. सध्या मारुती सुझुकीकडे जवळपास आठ मोटारी एस-सीएनजी चालणाऱ्या आहेत. त्यामध्ये ऑल्टो, वॅगन आर, इको, टूर एस, अर्टिगा, सुपर कॅरी आणि सेलेरिओ यांचा समावेश आहे आणि या सर्व बीएस-सहा नियमांचे पालन करतात.
मारुती सुझुकीने आर्थिक वर्ष 2019-2020 मध्ये देशभरात 1,06,443 युनिट्सची विक्री करण्याची घोषणा केली. तसेच, गेल्या दहा वर्षांत सीएनजी विक्रीत सुमारे 15.5% सीएजीआर वाढ झाली आहे. 2010मध्ये मारुतीने आपल्या कारखान्यात पहिल्यांदा सीएनजी बसवलेले वाहन तयार केले.
आपल्या सर्वांना माहितच आहे की पेट्रोल आणि डिझेल सारख्या पारंपारिक इंधनांपेक्षा सीएनजीद्वारे चालणाऱ्या कार पर्यावरणासाठी अधिक कार्यक्षम आणि चांगल्या असतात. त्यामुळे आता अनेक कंपन्या या कारमध्ये CNG इंजिन आणण्याचा प्रयत्न करत आहे.
देशभरात 1 एप्रिलपासून बीएस-6 उत्सर्जन नियम (एमिशन नॉर्म्स) लागू झाले आहेत. प्रदुषण कमी करण्याच्या दृष्टीने हे मोठे पाऊल आहे. या आधी वाहनांमध्ये बीएस-4 उत्सर्जन नियम लागू होते. हे नियम नक्की काय आहेत, याविषयी संपुर्ण माहिती जाणून घेऊया.
काय आहे बीएस ?
सरकार वाहनांद्वारे उत्पादन होणाऱ्या प्रदुषणाला नियंत्रित करण्यासाठी मानक तयार करते. बीएस म्हणजे ‘भारत स्टेज’ म्हटले जाते. हे मानक पर्यावरण, वन आणि हवामान बदल मंत्रालयाच्या अंतर्गत केंद्रीय प्रदूषण नियंत्रण मंडळाद्वारे निश्चित केले जातात.
बीएस-6
वर्ष 2000 मध्ये सर्वात प्रथम भारतात इंडिया 2000 नावाने उत्सर्जन नियम लागू झाले. त्यानंतर, बीएस-2 वर्ष 2005 आणि बीएस-3 वर्ष 2010 मध्ये लागू केले गेले. 2017 मध्ये बीएस 4 उत्सर्जन नियम लागू झाले. वाढत्या प्रदूषणाची पातळी आणि दीर्घ अंतर लक्षात घेता बीएस-5 सोडून थेट बीएस-6 उत्सर्जन नियम लागू करण्याचा निर्णय घेण्यात आला.
बीएस 6 उत्सर्जन नियम सक्त आहेत. बीएस 4 च्या तुलनेत NOx ची पातळी पेट्रोल इंजिनसाठी 25 टक्के आणि डिझेल इंजिनसाठी 68 टक्के कमी आहे. याव्यतिरिक्त डीजल इंजनसाठी एचसी+ NOxची मर्यादा 43 टक्के आणि पीएमची मर्यादा 82 टक्के कमी करण्यात आली आहे. हे लक्ष्य पूर्ण करण्यासाठी बीएस 6 कम्प्लांट इंजिनमध्ये आधुनिक तंत्रज्ञानाचा वापर केला जातो.
