fbpx
16.1 C
London
Wednesday, October 5, 2022

घर खरेदीसाठी उत्तम काळ, LICने गृहकर्जाच्या व्याजदरात केली कपात

कोरोना संकटात घर खरेदी करणे खूप सोपे झाले आहे. वास्तविक, अनेक बँका आणि गृहनिर्माण वित्त कंपन्यांनी गृह कर्जावरील व्याज दर कमी केला आहे. कोरोना युगात बर्‍याच बँकांनी दोन ते तीन वेळा व्याज दरात कपात केली आहे.लाइफ इन्शुरन्स कॉर्पोरेशन ऑफ इंडिया हाऊसिंग फायनान्स लिमिटेड (LICHLF) चे नावदेखील या यादीमध्ये समाविष्ट केले गेले आहे. वास्तविक, एलआयसी हाउसिंग फायनान्सने पुन्हा एकदा गृह कर्जाच्या व्याजदरामध्ये कपात केली आहे.

गृहकर्ज घेणार्‍या नव्या ग्राहकांसाठी आता व्याजदर 6.90 टक्के झाला आहे. एलआयसी हाउसिंग फायनान्सचा हा आतापर्यंतचा सर्वात कमी व्याज दर आहे. ज्यांचे सीआयबीआयएल स्कोअर 700 किंवा त्याहून अधिक आहे अशा ग्राहकांना या दराने गृह कर्ज दिले जाईल.

एलआयसी हाउसिंग फायनान्सने दिलेल्या निवेदनात म्हटले आहे की, CIBILमध्ये 700 किंवा त्यापेक्षा अधिक गुण असलेल्या ग्राहकांना 50 लाख रुपयांपर्यंतच्या गृह कर्जावरील व्याज दर 6.90 टक्क्यांपासून सुरू होईल. त्याचप्रमाणे समान गुणांसह 80 लाख रुपयांहून अधिक गृहकर्ज घेणाऱ्यांंसाठी 7 टक्के व्याज दर असेल.

LICFFLचे व्यवस्थापकीय संचालक आणि मुख्य कार्यकारी अधिकारी सिद्धार्थ मोहंती म्हणाले, “कंपनीच्या गृह कर्जावरील व्याज दर आतापर्यंतच्या सर्वात नीचांकी पातळीवर पोहोचला आहे, त्यामुळे ग्राहकांना दिलेल्या कर्जावरील मासिक हप्ता कमी होईल. यामुळे घरे खरेदी करण्याच्या संख्येत वाढ होईल.”

एप्रिलमध्ये कंपनीने गृहकर्जावरील व्याज दर कमी करून 7.5 टक्के केले होते. एलआयसी हाऊसिंगने निवृत्तीवेतनधारकांसाठी खास गृह कर्जाची योजना आणली आहे. या योजनेंतर्गत ग्राहकाला घरांच्या 6 हप्त्यांची सूट मिळणार आहे.

CIBIL Score म्हणजे काय ?

सिबिल स्कोअर (Cibil score) हा तुमच्या क्रेडिट हिस्ट्रीची (Credit History) माहिती दर्शवतो. सिबिल स्कोअर हा 300 ते 900 च्या दरम्यान गणला जातो. 300 हा सर्वात कमी तर 900 हा सर्वात चांगला सिबिल स्कोअर असल्याचं दर्शवतो. सिबिल स्कोअर चांगला असणे याचा अर्थ असा होतो की, तुमची क्रेडिट हिस्ट्री चांगला आहे आणि तुम्ही कर्जाची (Loan) परतफेड किंवा क्रेडिट कार्ड (Credit Card) पेमेंट योग्य वेळेत करत आहात. बँकिंग किंवा वित्तीय संस्थांमध्ये सिबिल स्कोअरला खूपच महत्व आहे.

ट्रान्स युनियन सिबिल लिमिडेट द्वारे सिबिल स्कोअर तयार केला जातो. याला पूर्वी क्रेडिट इन्फॉर्मेशन ब्युरो इंडिया लिमिटेड म्हणून ओळखले जात होते. तुम्हाला गृह कर्ज, वाहन कर्ज, वैयक्तिक कर्ज, क्रेडिट कार्ड घ्यायचे असल्यास बँकांकडून सिबिल स्कोअर तपासला जातो त्यामुळे सिबिल स्कोअर चांगला असणे हे खूपच महत्वाचे ठरते. सिबिल स्कोअर हा क्रेडिट हिस्ट्रीचा एक अंकात्मक सारांश आहे जो तुमच्या मागील पेमेंट्सच्या ट्रॅक रेकॉर्ड दर्शवतो.

Latest news
Related news

LEAVE A REPLY

Please enter your comment!
Please enter your name here