देशभरात काल मोठ्या उत्साहात भाऊ बहिणीचा राक्षबंधनाचा सण साजरा झाला. तर भारत नेपाळ सीमेवरही अनेक बहिणींनी देशाच्या सीमा ओलांडत भावांना राख्या बांधल्या. सध्या भारत नेपाळ सीमेवर तणाव युक्त परिस्थिती आहे. मात्र तरीही बहिणींच्या आग्रहामुळे अखेर दोन्ही देशातील सीमा सुरक्षा रक्षकांना झुकावे लागले आणि परंपरेनुसार मोठ्या उत्साहात रक्षाबंधन साजरे करण्यात आले.
या घटनेमुळे पिढ्यांपिढ्या चालत आलेले रोटी-बेटीचे नाते हे दोन देशांमधील कागदी नकाशांसमोर अतूट असल्याचं सिद्ध झाले आहे. याबाबत मंगळवारी सशस्त्र सीमा दलाचे (एसएसबी) चे 42 व्या कोर्टाचे कमांडर प्रवीण कुमार यांनी सांगितले की, COVID 19 च्या साथीच्या आणि अयोध्येत मंदिराच्या पायाभरणीच्या पार्श्वभूमीवर सकाळपासून भारत-नेपाळच्या रुपई दिहा सीमेवर कडेकोट बंदोबस्त आहे.
मात्र काल रक्षाबंधन असल्याने दोन्ही बाजूंनी बहिणी आपल्या हातात राखी, मिठाई, अक्षता आणि पूजेचे ताट घेऊन भावांना राखी बांधण्यासाठी सीमेवर जमल्या होत्या. तर दुसऱ्या बाजूलाही काही बहिणी आणि भावंडे थांबली होती. काही भावंडे लखनऊ, देवरिया, गोंडा, बलरामपूर आणि श्रावस्ती जिल्ह्यातून रुपई दिहा सीमेवर पोहोचली होती.
यावेळी सुरक्षेच्या दृष्टीकोनातून आणि कोरोनाच्या संक्रमणाच्या भीतीमुळे या जमलेल्या भावा बहिणींना थांबवण्यात आले. मात्र बर्‍याच संघर्षानंतर नेपाळी अधिकाऱ्यांंकडे संपर्क साधला आणि त्यांना बंद असलेली सीमा काही काळासाठी उघडण्यास उद्युक्त केले.
कुमार म्हणाले की, मास्क लावण्याची आणि शारीरिक अंतर ठेवण्याच्या आणि सॅनिटायझर वापरण्याच्या अटीवर फक्त काही तास बहिणींन सीमा ओलांडण्यास परवानगी देण्याबाबत दोन्ही देशांच्या अधिकाऱ्यांंमध्ये सहमती झाली. यानंतर सीमा उघडण्यात आली. नेपाळमधील बहिणींनी आपला उत्सव भारतीय रुपीधा गावात साजरा केला आणि भारतामधून नेपाळला गेलेल्या बहिणींनी नेपाळच्या नेपाळगंज शहरातील भावांना राखी बांधली.
कमांडंरने सांगितले की, सोमवारी दुपारी 12 ते सायंकाळी 5 या वेळेत सीमा ओलांडण्यास परवानगी देण्यात आली. यावेळी सुमारे 700 बहिणी नेपाळहून भारतात गेल्या तर सुमारे 400 बहिणी भारतातून नेपाळमध्ये गेल्या भारतात आल्या आणि भावांना राखी बांधली. सोमवारी संध्याकाळी पाच वाजता ही सीमा बंद झाली.
विशेष म्हणजे या दोन देशांमध्ये भारत आणि नेपाळमधील लोकांचे नातेवाईक मोठ्या संख्येने राहतात. दोन देशांमधील खुल्या सीमेमुळे हे नातेवाईक कोणत्याही व्यत्ययाशिवाय भेटणे चालू ठेवतात. यावर्षी मार्चपासून सीमाबंद झाल्याने या लोकांचे जाणे-येणे थांबले आहे. त्याचवेळी सीमेवर हाय अलर्ट आहे आणि आजकाल दोन्ही देशांच्या सरकारांमधील संबंध पूर्वीसारखे राहिलेले नसल्याने स्थानिकांना आपले नातेसंबंध टिकवण्यात अडचण येत आहे.