fbpx
11.5 C
London
Wednesday, September 28, 2022

…म्हणून महाराष्ट्रातील डॉ. कोटणीस यांना चीनी सैनिक आणि नागरिक मानतात देव

भारत आणि चीन यांच्यात सध्या सीमावाद सुरु आहे. सतत तणावाचे वातावरण कायम आहे. तथापि, एक काळ असा होता की चीनमधील लोक भारतीयांचा खूप आदर करत असत. भारतीयांवर ते देवाप्रमाणे विश्वास ठेवत असत. त्यामागचे सर्वात मोठे कारण डॉ. द्वारकानाथ कोटणीस हे होते. ज्यांच्या उपचारामुळे हजारो चिनी सैनिक आणि नागरिक बचावले होते.

अनेक सैनाकांवर उपचार

चीनमधील युद्धाच्या वेळी जखमी झालेल्या सैनिकांवर आणि लोकांवर उपचार करण्यासाठी डॉक्टरांची कमतरता होती. त्यानंतर आजारी लोकांवर उपचार करता यावे म्हणून भारतातील पाच डॉक्टरांची टीम मध्य चीनकडे पाठविली गेली. तेथे डॉ. द्वारकानाथ कोटणीस यांनी 2000 हून अधिक लोकांवर शस्त्रक्रिया करून त्यांना बरे केले होते. यानंतर डॉ. कोटणीस आणि चीनमधील भारतीयांबद्दल चांगले चित्र तयार झाले.

एका फोन कॉलने आयुष्य बदलले…

डॉ. द्वारकानाथ कोटणीस यांचा 1910मध्ये जन्म महाराष्ट्रातील सोलापूर जिल्ह्यातील मध्यमवर्गीय कुटुंबात झाला. यानंतर कोटणीस यांनी मुंबई विद्यापीठाच्या जीएस मेडिकल कॉलेजमध्ये वैद्यकीय शास्त्राचा अभ्यास केला. यानंतर, जेव्हा ते पोस्ट-डॉक्टरेटची पदवी घेत होते, तेव्हा त्याच्याकडे एक फोन आला, ज्याने त्याचे आयुष्य पूर्णपणे बदलले.

पंडित नेहरूंनी पाठवलेल्या डॉक्टरांच्या टीममध्ये डॉ. कोटणीस

सन 1938 मध्ये चीन आणि जपान यांच्यात युद्ध चालू होते. जपानी सैनिक घुसले होते. चीनमध्ये डॉक्टर आणि वैद्यकीय कामगारांची कमतरता होती. चीनमध्ये डॉक्टर नव्हते. यानंतर चिनी नेते झू डे यांनी भारतीय राष्ट्रीय कॉंग्रेसची मदत घेतली. त्यावेळी जवाहरलाल नेहरू आणि सुभाषचंद्र बोस यांनी पाच डॉक्टरांची टीम चीनला पाठविली. त्यात कोटणीसही होते.

संवेदनशील व्यक्तीमत्व

चिनी वृत्तसंस्था शिन्हुआच्या मते उत्तर चीन शहीद स्मारक कब्रिस्तानचे संशोधक लू यू यांनी डॉ. कोटनिस यांच्यावर संशोधन केले. त्यांना कळले की ते लोक अजूनही जिवंत आहेत, ज्यांना डॉ. कोटणीस यांनी बरे केले होते. त्यावेळेचे लोक लू यू यांना म्हणाले की, डॉ. कोटनिस उपचारादरम्यान वेदना होणार नाहीत काळजी घेत असत. लू यांनी सांगितले की, डॉ. कोटणीस हे 1940 मध्ये लगातार 72 तास शस्त्रक्रिया करत होते. या काळात त्यांनी 800 रूग्णांवर शस्त्रक्रिया केली. याखेरीज, ते सतत 13 दिवस सैनिकांवर आणि नागरिकांवर उपचार करत राहिले. त्याच वेळी डॉ. कोटणीस यांचे वडील मरण पावले परंतु ते चीनमध्येच जखमी सैनिकांवर उपचार करत राहिले.

चिन्यांसाठी डॉ. कोटणीस झाले डॉ. थॉटफुल…

चीनमधील लोक प्रेमाने त्यांना डॉ. थॉटफुल म्हणत. 1941 साली डॉ. कोटणीस यांना बेथून आंतरराष्ट्रीय पीस रुग्णालयाचे संचालक केले गेले. कॅनेडियन सर्जन नॉर्मन बेथून यांच्या नावावर या रुग्णालयाचे नाव देण्यात आले. येथे डॉ. कोटणीस यांनी 2000 हून अधिक लोकांवर उपचार केले.

पुढे चीनमध्येचं वास्तव्य…

डॉ. कोटणीस यांनी चीनमध्ये वास्तव्य करताना मैंडेरिन भाषा शिकली आणि लोकांना औषधांबद्दल शिकवले. यानंतर चीनच्या एका महिलेशी लग्न केले. त्यांचे नाव गुओ क्वांगलान होते. तेथे त्यांना एक मुलगा होता, ज्याचे नाव यिनहुआ होते.

डॉ. कोटणीस यांच्या जाण्याने माओ दुखावले…

जेव्हा ते शस्त्रक्रियेबद्दल पुस्तक लिहित होते तेव्हा त्यांना अपस्मार झाला आणि 32 व्या वर्षी तो निधन पावले. त्या काळातील चिनी नेते माओ झेडॉन्ग यांना खूप दु: ख झाले. त्यांच्या मृत्यूवर माओ म्हणाले की चिनी सैन्यदलाचा मदतनीस हरवला आहे. चीनने आपला मित्र गमावला आहे.

चीनमध्ये मोठे स्मारक…

डॉ. द्वारकानाथ कोटणीस चीनमध्ये अजूनही लक्षात आहेत. चीनच्या लोक अजूनही त्यांच्या पांढऱ्या थडग्यावर श्रद्धांजली वाहतात. उत्तर चीनमधील वैद्यकीय महाविद्यालयाच्या बाहेरही त्यांचा पुतळा बसविण्यात आला आहे. डॉ. कोटनिस यांच्या नावावर हेबीई प्रांतातील शिजियाहुआंग येथे दिहिया मेडिकल सायन्स सेकंडरी स्पेशलाइज्ड स्कूल देखील आहे.

Latest news
Related news

LEAVE A REPLY

Please enter your comment!
Please enter your name here