धक्कादायक माहिती : कोरोनाच्या 90% रुग्णांचा आजार बरा होऊनही फुफ्फुसावर होतोय दीर्घकालीन परिणाम

कोरोना हा भयंकर विषाणू आहे हे पुन्हा एकदा एका घटनेमुळे समोर आले आहे. कोरोना तात्पुरता बरा झाला तरी शरीरात राहिलेले त्याचे काही अंश तुम्हाला दीर्घकालीन आजाराच्या खाईत लोटत आहेत. चीनमधील वूहान येथे सुरु झालेल्या या विषाणूच्या संसर्गाने नाही नाही म्हणता संपूर्ण जगाला कवेत घेतले आहे. सारे जग यावर लस आणि औषध शोधत असले तरी काही ठराविक औषधांनी रुग्णांना बरे केले जात आहे. मात्र विषाणू एवढ्यावरच थांबत नसल्याचं एका संशोधांतून समोर आले आहे.

रुग्ण बरे झाले तरी त्यांच्या शरीरात कोरोना विषाणूचे काही अंश राहत असल्याचं समोर आले आहे. हे अंश फुफ्फुसाच्या दीर्घकालीन आजारास कारणीभूत ठरत आहेत. चीन मधील वूहान शहरातूनचं ही माहिती समोर आली आहे.

वस्तुतः वुहान शहरातील मोठ्या रुग्णालयातून बरे झालेल्या कोरोना रुग्णांचे नमुने घेण्यात आले, ज्यांच्या तपासणीत धक्कादायक माहिती समोर आली आहे.यापैकी 90 टक्के रुग्णांना फुफ्फुसांचे नुकसान झाले आहे आणि पाच टक्के रुग्णांना पुन्हा एकदा कोरोना झाला आहे.

वुहान विद्यापीठाच्या झोंगनन हॉस्पिटलच्या अतिदक्षता विभागाचे संचालक पेंग झियॉंग यांच्या नेतृत्वाखालील एक पथक एप्रिलपासून बरे झालेल्या 100 रूग्णांच्या आरोग्याची पुन्हा तपासणी करीत आहे. या तपासणीत ही मोठी समस्या समोर आली आहे.

याआधीही काही असेच अहवाल समोर आले होते. या अहवालातही कोरोना तुमचे फुफ्फुस खराब करू शकतो आणि याचा धोका भविष्यकाळात होऊ शकतो, असे नमूद करण्यात आले होते. हा प्राणघातक विषाणू फुफ्फुसांवर आणि त्यांच्या कार्यप्रणालीवर आक्रमण करतो. आपण बरे झाल्यानंतरही आपले फुफ्फुस पूर्वी सारखे होत नाही. त्यामध्ये ऑटोइम्यून इन्फेक्शन राहू शकते. त्यामुळे आपल्याला आयुष्यभर एक स्कार्प देखील मिळू शकेल. त्यामुळे आपल्याला एखाद्या दीर्घकालीन आजाराचा सामना करवा लागेल, असे एक्स्पर्टकडून सांगण्यात येत आहे.

कोरोनाव्हायरस संपल्यानंतर लवकरच सर्व काही ठीक होईल असा आपला समज आहे. मात्र सर्वकाही पूर्वीसारखे सुरळीत होणार नाही. ही एक कठीण वेळ आहे आणि आपण सर्व जगण्यासाठी धडपडत आहोत. हा विषाणू कमी रोखण्यासाठी प्रतिबंध करणे हा एकमेव मार्ग आहे. प्रतिकारशक्ती वाढविणे ही काळाची गरज आहे. आजकाल, प्रत्येक गोष्ट कोरोनाव्हायरस आणि त्याच्या आरोग्यावरील परिणामांभोवती फिरत आहे.

कोरोना प्रामुख्याने श्वसन प्रणालीवर हल्ला करतो. यासाठी जागतिक आरोग्य संघटनेने चेतावणी दिली आहे की, धूम्रपान करणार्‍यांना या विषाणूचा संसर्ग होण्याचा जास्त धोका आहे. त्यांचे फुफ्फुस आधीपासूनच आजारी आहे आणि यामुळे कोरोनाव्हायरसला त्यांच्यावर हल्ला करणे सोपे आहे. जरी आपण या प्राणघातक विषाणूपासून वाचला तरीही आपल्या उर्वरित आयुष्यासाठी आजाराची फुफ्फुसाची शक्यता असते.

यूके नॅशनल हेल्थ सर्व्हिसने (एनएचएस) अहवाल दिला आहे की, कोरोनाव्हायरस वाचलेल्या अंदाजे 30% लोकांना भविष्यात मानसिक समस्यांसह दीर्घकालीन अपरिवर्तनीय फुफ्फुसांच्या समस्येचा त्रास होऊ शकतो. तसेच याचा धोका धूम्रपान करणारे आणि धूम्रपान न करणार्‍यांसाठी आहे. एसएआरएस आणि एमईआरएस विषाणूंमुळे देखील फुफ्फुसांना गंभीर नुकसान होते. आधीच फुफ्फुसाचे विकार असणाऱ्या रुग्णांमध्ये कोरोना सर्वात जास्त आक्रमक दिसतो. त्यामुळे जागतिक आरोग्य संघटनेने अशा रुग्णांना सावध राहण्यास सांगितले आहे.