fbpx
17.7 C
London
Saturday, September 24, 2022

शेकडो वर्षांपासून जुने आहेत हे भारतीय बाजार,विदेशी पर्यटकांचे आहेत आकर्षणाचे केंद्रबिंदू

भारत हा विविधतेने नटलेला देश आहे असं म्हटले जाते. अविश्वसनीय भारत! अप्रतिम भारत! अनोखा भारत! जर आपल्याला या तीन शब्दांचा समान अर्थ वाटत असेल तर याचा अर्थ असा आहे की भारताच्या प्रत्येक कोपऱ्यात आणि प्रत्येक गावात सर्व प्रकारच्या अद्वितीय आणि अद्भुत गोष्टी ऐकायला आणि पाहायला मिळतील. या लेखात आज आपण भारतातील अशाच काही अनोख्या आणि प्रसिद्ध बाजारपेठांची माहिती घेणार आहोत. आजही भारतातील या प्रसिद्ध बाजारपेठांमध्ये मिळणारे खाणे-पिणे आणि वस्तू या नवीन जमान्यातील लोकांनाही खूप आवडतात.

मजनू टिल्ला, नवी दिल्ली

New dehli market

या लेखाची सुरुवात आपण दिल्लीतील प्रसिद्ध बाजारापासून सुरू करूया. असे म्हणतात की हा बाजार सुमारे 19 व्या शतकातील आहे. या बाजारात तुम्हाला तिबेट हस्तकलेच्या वस्तू, चिनी हँगिंग, पेंटिंग्ज आणि दागदागिने अशा बर्‍याच अनोख्या गोष्टी आढळतील ज्या आजपर्यंत तुम्ही पाहिल्या नाहीत. हा बाजार पर्यटकांसाठी एक प्रमुख ठिकाण आहे. येथे आपणास बर्‍याच परदेशी पर्यटक फिरताना आणि खरेदी करताना दिसतील.

जोहरी बाजार, जयपूर

जोहरी बाजार, जयपूर

पिंक सिटी किंवा भारतातील गुलाबी शहर सर्वांना माहित आहे. जो कोणी राजस्थानला पर्यटनासाठी जातो तो जयपूरला भेट दिल्याशिवाय परत येऊ शकत नाही. अनेक इतिहासांचा समावेश करून जयपूर हे स्वतःच एक खास शहर आहे. इथले किल्ले आणि इमारतींबरोबर अजून काही प्रसिद्ध आहे ते म्हणजे जोहरी बाजार. येथे आपल्याला दागदागिने, पादत्राणे, कपडे आणि घराच्या सजावटीसाठी वस्तू सापडतील ज्या आपण खरेदी केल्याशिवाय जाऊ शकत नाही. येथे आपल्याला पारंपारिक राजस्थानची प्रत्येक गोष्ट सापडेल जी नक्कीच कोणत्यातरी इतिहासाशी संबंधित असेल.

इमा मार्केट, मणिपूर

इमा मार्केट, मणिपूर

हा बाजार मणिपूरची राजधानी इम्फाल येथे आहे. या बाजाराला ‘मदर मार्केट’ म्हणूनही ओळखले जाते. या बाजाराबद्दल असे म्हटले जाते की हे बाजार 500 वर्षांहून अधिक जुना आहे. असेही म्हटले जाते की केवळ महिलाच हा बाजार चालवतात, म्हणजेच पुरुष या बाजारात दुकाने उघडू शकत नाहीत. या बाजारात 3००० हून अधिक दुकाने आहेत जी केवळ महिलाच चालवतात. या बाजाराकडे पहात असता हे लक्षात येईल की संपूर्ण इशान्य भारत येथे एकवटलेला आहे. आपल्याला येथे उत्कृष्ट भोजन आणि हस्तकला पाहायला आणि खरेदी करायला मिळेल.

पाण्यावर तरंगणार मार्केट, काश्मीर

पाण्यावर तरंगणारे मार्केट, काश्मीर

आपण याला इंग्रजीमध्ये फ्लोटिंग मार्केट देखील म्हणू शकता. जगातील दुसरे आणि भारतातील हे पहिलेच पाण्यावर तरंगणारे मार्केट आहे. काश्मीरची ही तरंगणारी बाजारपेठ नेहमीच पर्यटकांच्या आकर्षणाचे केंद्र राहिली आहे. काश्मिरमधील डाल तलावावर हा बाजार आहे. हा बाजार सुमारे दोन शतके जुना असल्याचे मानले जाते. जर तुम्ही जम्मू-काश्मीरला फिरायला गेलात तर हा बाजार पाहण्यासाठी तुम्ही आवश्यक भेट द्या.

Latest news
Related news

LEAVE A REPLY

Please enter your comment!
Please enter your name here