fbpx
18.6 C
London
Saturday, October 1, 2022

पोस्टाची सीनियर सिटीजन्ससाठी भन्नाट स्कीम, रिटायरमेंटचा पैसा गुंतवल्यास काही वर्षातचं मालामाल

निवृत्त झाल्यानंतर प्रत्येकाला आपले रिटायरमेंटचे पैसे कुठे गुंतवायचे याबाबत चिंता असते. तरी एखद्या ठिकाणी पैसे गुंतवले तर त्यातून किती रिटर्न्स मिळतील याबाबत खात्री नसते. त्यामुळे पोस्टाने अशा निवृत्त आणि VRS घेतलेल्या ज्येष्ठ नागरिकांसाठी सीनियर सिटीजन्स सेविंग्स स्कीम आणली आहे. ज्यामध्ये गुंतवणुकीवर 7.4 टक्के दराने व्याज मिळते. शिवाय पैसे सुखरूप राहण्याची हमी देखील पोस्टाद्वारे दिली जाते.

काय आहे सीनियर सिटीजन्स सेविंग्स स्कीम ?

पोस्ट ऑफिस विविध प्रकारच्या योजना चालविते. यात सर्व वयोगटातील लोकांसाठी योजना आहेत. पोस्ट ऑफिस ज्येष्ठ नागरिक बचत योजनेत गुंतवणूकदारांना 7.4 टक्के दराने व्याज मिळते. ज्येष्ठ नागरिक बचत योजना – एससीएसएस अंतर्गत खाते उघडण्यासाठी आपले वय मर्यादा 60 वर्षे असणे आवश्यक आहे. केवळ 60 वर्षे किंवा त्यापेक्षा जास्त वयाचे लोक या योजनेंतर्गत खाते उघडू शकतात. याशिवाय व्हीआरएस म्हणजेच ऐच्छिक सेवानिवृत्ती योजना घेतलेले लोकही या योजनेंतर्गत खाते उघडू शकतात.

कसा होईल फायदा ?

जर तुम्ही ज्येष्ठ नागरिक योजनेत 10 लाख रुपयांची गुंतवणूक केली तर 5 वर्षानंतर 7.4 टक्के व्याजदराने (कंपाऊंडिंग) परिपक्वतानंतर गुंतवणूकदारांना एकूण 14,28,964 रुपये म्हणजेच 14 लाख रुपयांपेक्षा जास्त रक्कम मिळेल. येथे तुम्हाला व्याज म्हणून 4,28,964 रुपये चा लाभ मिळेल.

कसे उघडाल खाते ?

या योजनेत खाते उघडण्यासाठी किमान रक्कम 1000 रुपये आहे. याशिवाय या खात्यात तुम्ही 15 लाख रुपयांपेक्षा जास्त ठेवू शकत नाही. याखेरीज तुमच्या अकाउंट उघडण्याची रक्कम जर एक लाख रुपयांपेक्षा कमी असेल तर तुम्ही रोख रक्कम देऊन खाते उघडू शकता. त्याच वेळी, एक लाखाहून अधिक रुपयांमध्ये खाते उघडण्यासाठी आपल्याला धनादेश द्यावा लागेल.

जॉईंट खाते

एससीएसएस अंतर्गत ठेवीदार वैयक्तिक किंवा त्याची पत्नी / पती यांच्याबरोबर एकत्रितपणे एकापेक्षा जास्त खाते ठेवू शकतो. परंतु सर्वांबरोबर मिळून जास्तीत जास्त गुंतवणूकीची मर्यादा 15 लाखांपेक्षा जास्त असू शकत नाही. खाते उघडताना व बंद करताना नामनिर्देशन सुविधा (Nomination facility) उपलब्ध आहे.

मॅच्युरिटी पिरेड

सीनियर सिटीजन्स सेविंग्स स्कीमचा मॅच्युरिटी कालावधी 5 वर्षांचा आहे, परंतु गुंतवणूकदारांनी इच्छित असल्यास ही मुदत देखील वाढविली जाऊ शकते. इंडिया पोस्ट वेबसाइटनुसार आपण ही योजना मुदतीनंतर 3 वर्षांसाठी वाढवू शकता. हे वाढविण्यासाठी आपल्याला पोस्ट ऑफिसमध्ये जाऊन अर्ज करावा लागेल.

मॅच्युरिटी आधी खाते बंद करायचे झाल्यास खाते उघडल्यानंतर 1 वर्षाच्या आत खाते बंद केल्यास पोस्ट ऑफिस अनामत रक्कम 1.5% वजा करेल, तर 2 वर्षानंतर बंद केल्यावर ठेवीतील 1% रक्कम वजा होईल.

कसे असतील टॅॅक्स ?

टॅॅक्स विषयी बोलताना, जर एससीएसएस अंतर्गत तुमची व्याज रक्कम वार्षिक 10,000 पेक्षा जास्त असेल तर तुमचा टीडीएस वजा होईल. तथापि, आयकर कायद्याच्या कलम 80 सी अंतर्गत या योजनेतील गुंतवणूकीस सूट देण्यात आली आहे.

Latest news
Related news

LEAVE A REPLY

Please enter your comment!
Please enter your name here