fbpx

‘या’ आहेत भारताच्या पॉवरफुल वूमन, उद्योगात मोठा नफा मिळवून देशाच्या अर्थव्यस्थेला लावला हातभार

0

भारतीय महिलांचा इतिहास हा नेहमीच प्रेरणादायी आहे. पुरुषप्रधान संस्कृतीमध्ये कायम दुर्बल आणि अबला ठरवल्या गेलेल्या महिलांनी आपल्या अभूतपूर्व इच्छाशक्ती आणि ताकदीच्या जोरावर आपले कर्तुत्व दाखवून दिले आहे. राजमाता जिजाऊ, झाशीची राणी, क्रांतीज्योती सावित्रीबाई फुले, रमाबाई रानडे, डॉ.आनंदीबाई जोशी अशा अनेक महिलांनी आपल्या देशाला आणि समाजाला कामी येईल असे कार्य केले आहे. अजूनही याच महिलांचा आदर्श घेत आताच्या महिला देखील आपल्या कर्तुत्वाने कुटुंबाचे, समाजाचे आणि देशाचे नाव मोठे करत आहेत.

महिला आता प्रत्येक क्षेत्रात पुरुषांना मागे टाकत आहेत. जे पुरुषांना जमते तेच महिला देखील करू शकतात हे महिलांनी दाखवून दिले आहे. त्यामुळे आम्ही आज आपल्याला अशाच भारतातील महिला उद्योजकांची ओळख करून देणार आहोत. या महिला उद्योजकांनी आपल्या बुद्धीच्या आणि कर्तुत्वाच्या जोरावर देशाच्या अर्थव्यवस्थेलाही मोठा हातभार लावला आहे.

वंदना लूथरा – VLCCचे संस्थापक

Vandana Luthara

VLCC जवळपास प्रत्येकास व्हीएलसीसी सौंदर्य उत्पादनाबद्दल माहित असेल. सध्या त्यांची उत्पादने आशिया, आफ्रिका यासह 11 देशांमध्ये वापरली जातात आणि या सर्वांचे श्रेय वंदना लूथरा यांना जाते. त्या ब्युटी अँड वेलनेस सेक्टर स्किल कौन्सिल (B & WSCC) च्या अध्यक्ष आहेत.

वंदना लूथरा हे सौंदर्य आणि फिटनेसच्या क्षेत्रात ओळखले जाणारे एक नाव आहे. भारतात त्यांची कंपनी व्हीएलसीसीने आज लोकांमध्ये विशेष ओळख निर्माण केली आहे. एप्रिल 2013 मध्ये राष्ट्रपती प्रणव मुखर्जी यांच्या हस्ते त्यांना पद्मश्री पुरस्काराने गौरविण्यात आले. वंदना लूथरा खुशी नावाची स्वयंसेवी संस्था देखील चालवितात , जे शारीरिकदृष्ट्या अपंग आहेत अशांना मोफत शिक्षणासाठी शिष्यवृत्ती देखील वंदना लूथरा उपलब्ध करून देतात.

फाल्गुनी नायर – न्याकाचा संस्थापक

Falguni Nayar

फाल्गुनी नायर ह्या न्याकाचे संस्थापक आणि मुख्य कार्यकारी अधिकारी आहेत, जे ऑनलाइन सौंदर्यप्रसाधने आणि निरोगी वस्तूंची विक्री करतात. त्या पूर्वी कोटक महिंद्रा कॅपिटल कंपनीच्या माजी व्यवस्थापकीय संचालक होत्या, त्यानंतर त्यांनी 2012 मध्ये न्याकाची स्थापना केली आणि स्वत: ची कंपनी सुरू करण्याचे स्वप्न पूर्ण केले. 2017मध्ये त्यांना बिझिनेस टुडेने “मोस्ट पॉवरफुल बिझिनेस” ही पदवी देऊन सन्मानित केले आणि पुढे त्यांना इकॉनॉमिक टाइम्सचा “महिला अहेड” पुरस्कारही मिळाला.

किरण मजुमदार शॉ – बायोकोन लिमिटेडचे ​​संस्थापक

Kiran

किरण मजुमदार-शॉ एक भारतीय महिला व्यवसाय तंत्रज्ञ, शोधकर्ता आणि बायोकॉनची संस्थापक आहेत, त्या बायोकॉन लिमिटेडच्या अध्यक्ष व व्यवस्थापकीय संचालक आहेत आणि सिंजिन इंटरनॅॅशनल लिमिटेड आणि क्लिनीझिन इंटरनेशनल लिमिटेडच्या अध्यक्षा देखील आहेत.

1978 मध्ये त्यांनी बायोकॉनची सुरुवात केली आणि डायबेटिस, ऑन्कोलॉजी आणि आत्म-प्रतिरोधक रोगांवर लक्ष केंद्रित केलेल्या उत्पादनांचा आणि संशोधनाचा संतुलित व्यवसायाचा पोर्टफोलिओ तयार केला. तसेच एक सेंद्रिय फार्मास्युटिकल कंपनी बनवली.

त्यांनी अनुक्रमे बेंगलोर विद्यापीठ आणि मेलबर्न विद्यापीठातून पदवी आणि पदव्युत्तर शिक्षण घेतले. 2019 मध्ये त्यांनी भारताची 54 वी सर्वात श्रीमंत आणि जगातील 65 व्या सर्वात सामर्थ्यवान महिला म्हणून विजेतेपद जिंकले.

प्रिया पॉल – पार्क हॉटेलच्या अध्यक्षा

Priya Paul

प्रिया पॉल या एक भारतीय महिला उद्योजक आहेत. त्या एपीजे सुरेंद्र पार्क हॉटेल्सच्या चेअरमन आहेत. एपीजे सुरेंद्र पार्क ही एपीजे सुरेंद्र ग्रुपची उपकंपनी आहे. त्या “द पार्क हॉटेल्स” ची साखळी हॉटेल्स चालविते.

त्यांनी वेलस्ले कॉलेज (यू.एस.) मध्ये शिक्षण पूर्ण केले. वयाच्या 21 व्या वर्षी नवी दिल्ली येथे असलेल्या “द पार्क”मध्ये मार्केटींग मॅनेजर म्हणून वडिलांसह विपणन व्यवस्थापक म्हणून काम करू लागल्या. प्रिया पॉल यांना जानेवारी 2012 मध्ये प्रजासत्ताक दिनाच्या पूर्वसंध्येला भारत सरकारने पद्मश्री पुरस्काराने गौरविले.

रितु कुमार – फॅशन डिझायनर

ritu kumar

रितु कुमार या एक भारतीय फॅशन डिझायनर आहेत. त्यांनी त्यांच्या फॅशन करिअरची सुरुवात कोलकात्यात केली. सुरुवातीला त्या ब्राइडल ड्रेस बनवायच्या. काही काळानंतर त्यांनी आंतरराष्ट्रीय बाजारपेठेत प्रवेश केला आणि आज आपला व्यवसाय फ्रान्स आणि न्यूयॉर्कमधील अनेक वेगवेगळ्या शहरांमध्ये पोहचवला.

रितु कुमार यांनी लेडी इर्विन कॉलेज दिल्ली येथून पदवी प्राप्त केली आणि अमेरिकेत उच्च शिक्षण पूर्ण केले. त्यांच्या व्यवसायाने कमी काळात उत्तरोत्तर प्रगती केल्याने त्यांना अनेक ठिकाणी सन्मानित करण्यात आले. 2012 मध्ये रितु कुमार यांनी ओरिएल पॅरिस फेमिना महिला पुरस्कार जिंकला आणि 2013 मध्ये त्यांना भारत सरकारने पद्मश्री पुरस्काराने सन्मानित केले.

श्रद्धा शर्मा – Your Story संस्थेचे संस्थापक

Shradha Sharma

श्रद्धा शर्मा डिजिटल-मीडिया प्लॅटफॉर्मवरील ‘योरस्टरी’ ची संस्थापक आणि मुख्य कार्यकारी अधिकारी आहेत. 2008 मध्ये योरस्टरी  सुरू करण्यापूर्वी श्रद्धाने CNBC TV 18 मध्ये सहायक उपाध्यक्ष म्हणून काम केले आणि टाइम्स ऑफ इंडियामध्ये ब्रँड सल्लागार म्हणूनही काम केले. श्रद्धा शर्मा यांनी “सेंट स्टीफन कॉलेज” दिल्ली येथून इतिहासात पदवी आणि पदव्युत्तर पदवी प्राप्त केली

सर्वसमावेशक स्टार्टअप समुदाय निर्माण करण्याच्या प्रयत्नांसाठी श्रद्धा शर्मा यांना नॅसकॉम इकोसिस्टम इव्हॅंजलिस्ट पुरस्कार मिळाला आहे, तसेच स्टार्टअपच्या कव्हरेजसाठी 2010 मध्ये विल्ग्रो जर्नलिस्ट ऑफ द इयर पुरस्काराने सन्मानित करण्यात आले आहे. 2015 मध्ये जगभरातील लिंक्डइन इनफ्लूव्हेंसरमध्ये त्यांचे नाव सूचीबद्ध झाले आणि त्याच वर्षी त्यांना ऑनलाईन इनफ्लूव्हेंसरसाठी लॉरियल पॅरिस फेमिना पुरस्कार मिळाला.

राधिका घई अग्रवाल – शॉपक्लूज डॉट कॉमच्या सह-संस्थापक आणि सीएमओ

Radhika Agrwal

राधिका घई अग्रवाल ह्या इंटरनेट उद्योजक आणि युनिकॉर्न क्लबमध्ये प्रवेश करणारी भारतातील पहिल्या महिला आहे. २०११ मध्ये सिलिकॉन व्हॅलीमध्ये स्थापन झालेल्या शॉपक्लूज या ऑनलाइन मार्केटप्लेसची त्या सह-संस्थापक आहेत.

सध्या त्या कंपनीच्या मुख्य व्यवसाय अधिकारी म्हणून काम करत आहे. राधिका यांना रिटेल, ईकॉमर्स, फॅशन आणि जीवनशैली, जाहिरात आणि जनसंपर्क अशा विविध उद्योगांमध्ये मार्केटिंगचा साडे दहा वर्षांचा अनुभव आहे.

या अनुभवाच्या आधारे त्यांनी शॉपक्ल्यूज डॉट कॉमची सह-स्थापना केली.या स्थापनेपूर्वी राधिका नॉर्डस्ट्रॉमच्या कॉर्पोरेट मुख्यालयात रणनीती नियोजन क्षेत्रात काम करत होत्या.

याव्यतिरिक्त, त्यांनी न्यूयॉर्क आणि अमेरिकेच्या मेनलो पार्क येथे असलेल्या संपत्ती व्यवस्थापन गटात गोल्डमन सॅक्सबरोबर काम केले आणि वॉशिंग्टन विद्यापीठातून अ‍ॅडव्हर्टायझिंग अँड पब्लिक रिलेशनमध्ये एमबीए केले.

Leave A Reply

Your email address will not be published.